రెండు సంవ‌త్స‌రాల గ్యాప్ త‌ర్వాత ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తోన్న వ‌కీల్‌సాబ్ త్వ‌ర‌లోనే రిలీజ్ కానుంది. ఇప్ప‌టికే చాలా వ‌ర‌కు షూటింగ్ ఫినిష్ చేసుకున్న ఈ సినిమా బాలీవుడ్ హిట్ మూవీ పింక్‌కు రీమేక్గా వ‌స్తోంది. ఇర‌వై రోజుల షెడ్యూల్ కూడా ఫినిష్ అయితే ఈ సినిమా థియేట‌ర్ల‌లోకి వ‌చ్చేందుకు రెడీ అయిన‌ట్టే. ఈ సినిమా షూటింగ్ ఈ నెల‌లోనే ప్రారంభించేందుకు ద‌ర్శ‌కుడు వేణు శ్రీరామ్ స‌న్నాహాలు చేస్తున్నాడు. ఇక వ‌కీల్‌సాబ్ క‌మ‌ర్షియ‌ల్ సినిమా కాక‌పోయినా కూడా ఈ మూవీలో మొత్తం ఐదు పాట‌లు ఉంటాయట. ఇప్ప‌టికే ఆల్బ‌మ్ రెడీ అవ్వ‌డంతో పాటు బాగా వ‌చ్చింద‌ని సినిమా యూనిట్ వ‌ర్గాలు చెపుతున్నాయి.
ఈ ఐదు పాట‌ల్లో ఒక‌టి ఇంట్ర‌డ‌క్ష‌న్ సాంగ్ కాగా, మ‌రో రెండు క‌థానుసారం వ‌స్తాయ‌ట. ఈ విషయం పై స్పందించిన డైరెక్టర్ వేణు శ్రీరామ్ మాట్లాడుతూ నిజాయితీగా తెర‌కెక్కుతోన్న క‌థ ఇది. ఒరిజిన‌ల్ క‌థ‌లో ఎలాంటి మార్పులు చేయ‌కుండానే వ‌కీల్‌సాబ్ సినిమాను తెర‌కెక్కిస్తున్నామ‌ని చెప్పాడు. ఇక ఈ సినిమా షూటింగ్, ఎడిటింగ్ డిసెంబ‌ర్‌కు కంప్లీట్ చేస్తారు. వ‌చ్చే సంక్రాంతి కానుక‌గా ప్రేక్ష‌కుల ముందుకు తీసుకు వ‌చ్చేందుకు స‌న్నాహాలు జ‌రుగుతున్నాయి.
