బాలీవుడ్ దివంగ‌త హీరో సుశాంత్ సింగ్ రాజ్ పుత్ ఆత్మహత్య కేసులో రోజుకో సంచ‌ల‌న వార్త‌లు వెలుగులోకి వ‌స్తున్నాయి. తాజాగా ఇప్పుడు సుశాంత్ గ‌ర్ల్‌ఫ్రెండ్ రియా చ‌క్ర‌వ‌ర్తి చుట్టూ అనేక సందేహాలు ముసురు కుంటున్నాయి. మ‌రోవైపు మ‌హారాష్ట్ర పోలీసులు కూడా ఈ కేసును ముందుకు సాగ‌నీయ‌డం లేద‌న్న విమ‌ర్శ‌లు వ‌స్తున్నాయి. ఇక మ‌హారాష్ట్ర మంత్రి, శివ‌సేన యువ‌నేత ఆదిత్య థాక్రే కూడా ఈ కేసు ముందుకు సాగకుండా జోక్యం చేసుకుంటున్నార‌న్న ఆరోపణలు కూడా వ‌స్తున్నాయి.
ఇక ఈ కేసు విష‌యంలో ముందు నుంచి తీవ్ర ఆరోపణలు చేస్తున్న కంగ‌నా ర‌నౌత్ ఇప్పుడు ఏకంగా మంత్రి ఆదిత్య థాక్రేను టార్గెట్ చేసింది. మీ తండ్రి ఉద్ద‌వ్ థాక్రే సీఎం కావ‌డ‌మే డ‌ర్టీ పాలిటిక్స్‌కు ఉదాహ‌ర‌ణ సార్ అన‌డంతో పాటు ఈ ప్ర‌శ్న‌ల‌కు స‌మాధానాలు మీ తండ్రిని అడ‌గండి అని కూడా ట్వీట్ చేచ‌సింది. కంగ‌న సంధించిన ప్ర‌శ్న‌లు ఇలా ఉన్నాయి.
హీరోయిన్ రియా ఎక్కడుంది ? సుశాంత్ మ‌ర‌ణంపై ముంబై పోలీసులు ఎందుకు ఎఫ్ఐఆర్ న‌మోదు చేయలేదు ? చ‌నిపోయిన తొలి రోజే పోలీసులు ఆత్మహత్య అని ఎలా చెపుతారు ? సుశాంత్ చ‌నిపోయిన చివ‌రి రోజు ఫోన్ డేటా ఎందుకు అందుబాటులో లేదు ? క్వారంటైన్ అంటూ ఈ కేసు విచార‌ణలో కీల‌కంగా ఉన్న ఐపీఎస్ అధికారి వినయ్ తివారీని ఎందుకు లాక్ చేశారు ? సీబీఐ గురించి ఎందుకు భయపడుతున్నార‌న్న ప్ర‌శ్న‌లు వేసిన ఆమె చివ‌రిగా సుశాంత్ డబ్బును రియా, ఆమె ఫ్యామిలీ ఎందుకు దోచుకున్నారు ? అని ప్ర‌శ్నించ‌డంతో పాటు ఆమె ప‌లు ర‌కాల సందేహాల‌కు తావిచ్చారు.
ఇక ఈ కేసును ఆదిత్య థాక్రే ముందుకు సాగకుండా అడ్డు ప‌డుతున్నార‌న్న విమ‌ర్శ‌లు కూడా ఉన్నాయి. ఇక చివ‌రిగా సుశాంత్ డబ్బును రియాతో పాటు ఆమె ఫ్యామిలీ ఎలా దోచుకున్నారన్న ప్ర‌శ్న రైజ్ చేయ‌డం ద్వారా ఇప్ప‌టి వ‌ర‌కు ఉన్న ఈ సందేహాన్ని మ‌రింత అనుమానాల‌కు తావిచ్చేలా మాట్లాడింది. మరి రియాకు ఈడీ స‌మ‌న్లు జారీ చేయ‌డంతో ఏం జ‌రుగుతుందో ? చూడాలి.
