ప్ర‌స్తుతం భార‌త‌దేశ సినిమా రంగంలో అంతా బ‌యోపిక్‌ల హంగామానే న‌డుస్తోంది. ప‌లువురు ప్ర‌ముఖ క్రీడాకారుల జీవిత చ‌రిత్ర‌ల‌ను తెర‌కెక్కించే ప్ర‌య‌త్నాలు చేస్తున్నారు. పీవీ సింధు, మిథాలీరాజ్, సైనా నెహ్వాల్, పుల్లెల గోపీచంద్ బ‌యోపిక్‌లు వెండితెర‌పై సంద‌డి చేయ‌నున్నాయి. ఈ క్ర‌మంలోనే ఇప్పుడు మరో క్రేజీ క్రీడాకారిణి బ‌యోపిక్ వెండితెర‌పై సంద‌డి చేయ‌నుంది. ప్ర‌ముఖ బ్యాడ్మింట‌న్ క్రీడాకారిణి పీవి. సింధు బ‌యోపిక్‌కు రంగం సిద్ధ‌మ‌వుతోంది.
సింధు బ‌యోపిక్‌ను తాను నిర్మిస్తున్న‌ట్టు ఇప్ప‌టికే సోనూసుద్ ప్ర‌క‌టించారు. అయితే ఈ బయోపిక్లో నటించే వారి వివరాలను మాత్రం సోనూసూద్‌ అప్పుడే వెల్లడించట్లేదు. తాను సింధు బ‌యోపిక్ నిర్మిస్తున్న‌ట్టు ప్ర‌క‌ట‌న చేసిన వెంట‌నే ఎంతోమంది హీరోయిన్లు ఫోన్లు చేసి ఈ పాత్ర‌ను తామే చేస్తామ‌ని రిక్వెస్ట్ చేసిన‌ట్టు కూడా సోనూ వెల్ల‌డించారు. అయితే సింధు ముఖానికి త‌గిన ఎత్తు, ప‌ర్స‌నాలిటీకి క‌రెక్టుగా సెట్ అయ్యేది ఒక్క దీపిక ప‌దుకొనే మాత్ర‌మే.
అందుకే ఈ పాత్ర‌లో న‌టించాల‌ని సోను ఆమెను సంప్ర‌దించ‌గా ఆమె ఓకే చెప్పార‌ట. అయితే ఆమె కాల్షీట్లు లేని కార‌ణంగా ఇంకా ఈ బ‌యోపిక్ ప‌ట్టాలు ఎక్క‌లేద‌ని అంటున్నారు. ఇటీవల కాలంలో టాలీవుడ్ టాప్‌ స్టార్ హీరోయిన్ సమంత.. సింధూగా చేస్తుందనే వార్తలు వచ్చాయి. వీటిల్లో నిజం లేద‌న్న సోనూ అన్ని క‌లిసొస్తే సింధుగా దీపిక‌నే న‌టిస్తుంద‌ని చెప్పారు.
