మాటల మాంత్రికుడు త్రివిక్రమ్, స్టైలిష్ స్టార్ అల్లు అర్జున్ కాంబోలో ఓ సినిమా తెరకెక్కుతున్న సంగతి తెలిసిందే. ఇప్పటికే జులాయి, సన్నాఫ్ కృష్ణమూర్తి లాంటి హిట్ సినిమాలు తీసిన ఈ కాంబినేషన్ మరో హిట్ కోసం గట్టి పట్టుమీదే ఉన్నారు. కానీ ఫ్యాన్స్ కి మాత్రం ఓ భయం పట్టుకుందట. అందుకు కారణం త్రివిక్రమ్ అని తెలుస్తోంది. ఇదిలా ఉంటే రీసెంట్ గా అల్లు అర్జున్ ఈ సినిమాకి డబ్బింగ్ కూడా మొదలుపెట్టాడు.
ఇప్పటి వరకు టైటిల్ కూడా ఫిక్స్ చేయని ఈ మూవీపై ఫ్యాన్స్ కి రక రకాల సందేహాలు మొదలయ్యాయట. ఆ భయానికి కారణం ఇది బన్నీ త్రివిక్రమ్ కలయికలో మూడో సినిమా కావడమే. మెగా హీరోలతో త్రివిక్రమ్ తీసిన మూడో సినిమా ఫ్లాప్ కావడమే అందుకు కారణం. గతంలో పవర్ స్టార్ పవన్ కళ్యాన్ తో రెండు బ్లాక్ బస్టర్స్ తీసిన త్రివిక్రమ్ ఆ మద్య ‘అజ్ఞాతవాసి’లాంటి ఘోరమైన డిజాస్టర్ అందించారు.
ఇప్పుడు బన్నీతో కూడా త్రివిక్రమ్ ది మూడో సినిమా కాబట్టి, అల్లు అర్జున్‌తో తీస్తున్న ఈ సినిమా కూడా పోతుందేమో అనే భయంలో బన్ని ఫ్యాన్స్ ఉన్నారు. ముఖ్యంగా ఇండస్ట్రీలో ఇలాంటి సెంటిమెంట్ కి బాగా విలువ ఇస్తుంటారు..మరీ వీరిద్దరి కాంబినేషన్ వచ్చే సినిమా హిట్టా..ఫట్టా అన్న విషయంపై తెగ టెన్షన్ పడిపోతున్నారు మెగా ఫ్యాన్స్.
