ఇండస్ట్రీలో తమను ఇంట్రొడ్యూస్ చేసిన డైరెక్టర్స్‌కు కొంతవరకు ఇంపార్టెన్స్ ఇస్తారు మన సెలెబ్రిటీలు. ముఖ్యంగా స్టార్ స్టేటస్‌ వచ్చిన తరువాత వారిని పట్టించుకోవడం పూర్తిగా మానేస్తారు కొందరు. అయితే తనను ఇంట్రొడ్యూస్ చేశాడని ఓ డైరెక్టర్‌తో వరుసగా సినిమాలు చేసింది ఓ స్టార్ హీరోయిన్. కానీ అతడితో చేసిన చివరి సినిమా బాక్సాఫీస్ వద్ద ఘోరంగా ఫెయిల్ అయ్యింది. దీంతో ఆ డైరెక్టర్ ఏది ఏమైనా ఆ హీరోయిన్‌ను వదిలేది లేదు అంటూ సవాల్ విసురుతున్నాడు. ఇంతకీ ఆ డైరెక్టర్ గోలేంటో చూద్దామా.
దర్శకుడు తేజ కాజల్ అగర్వాల్‌ను టాలీవుడ్‌లో లక్ష్మీ కళ్యాణం సినిమాతో ఇంట్రొడ్యూ్స్ చేశాడు. ఆ తరువాత అమ్మడు స్టార్ హీరోయిన్‌గా ఎదిగింది. తేజ కెరీర్‌ ఫేడవుట్ అవుతున్న సమయంలో నేనే రాజు నేనే మంత్రి అనే సినిమాలో మళ్లీ నటించిన ఈ బ్యూటీ ఆ సినిమా సక్సెస్‌తో తేజకు మళ్లీ లైఫ్ ఇచ్చింది. దీంతో వెంటనే మరోసారి సీత అనే సినిమాలో అమ్మడిని పెట్టుకున్నాడు తేజ. కానీ ఈసారి బాక్సాఫీస్ వద్ద బొక్కబోర్లా పడ్డ సినిమాగా సీత నిలిచింది. దీంతో ఇక తేజ-కాజల్ కాంబినేషన్ ముగిసినట్లే అనుకున్నారు అందరూ. కానీ అందరి అంచనాలను తారుమారు చేస్తూ.. మరో సినిమాతో వీరిద్దరు మనముందుకు రానున్నట్లు తెలుస్తోంది.
ఇంకో విశేషమేమిటంటే.. ఈ సినిమాను స్వయంగా కాజల్ ప్రొడ్యూస్ చేస్తుందని తెలుస్తోంది. సీత ఫెయిల్యూర్‌ను పక్కనబెట్టి ఈ సినిమా కోసం సిద్ధం కావాల్సిందిగా కాజల్ స్వయంగా తేజను కోరిందట. అయితే తాను సీత విషయంలో చేసిన తప్పులను రిపీట్ కాకుండా చూసుకోవడానికి కొంత టైమ్ తీసుకుంటున్నాడు తేజ. ఏదేమైనా వీరిద్దరి కాంబినేషన్‌లో మరో మూవీ వస్తుండటంతో ఈ సినిమా ఎలా ఉంటుందో చూడాలి అంటున్నారు సినీ లవర్స్.
