రంగస్థలం బ్లాక్ బస్టర్ హిట్ కొట్టినా రాం చరణ్ మగధీర మాత్రం అప్పట్లోనే చరిత్ర సృష్టించింది. ఆ సినిమాలో యాక్షన్ సీన్స్ ప్రత్యేకంగా చెప్పుకోవాల్సిందే. ఒక్కొక్కరిని కాదు షేర్ ఖాన్ ఒకేసారి వందమందిని పంపించు అంటూ చరణ్ డైలాగ్ అదిరిపోయింది. ప్రస్తుతం బోయపాటి శ్రీను సినిమాలో కూడా మగధీరని గుర్తుచేసేలా యాక్షన్ సీన్స్ ఉంటాయట.
యూరోపియన్ దేశమైన అజర్ బైజాన్ లో ప్రస్తుతం ఈ సినిమా షూటింగ్ జరుపుకుంటుంది. అక్కడ రెండు కొండల మధ్య యాక్షన్ సీన్స్ ప్లాన్ చేశారట. ఈ ఫైట్ సీన్స్ సినిమాకే హైలెట్ గా నిలుస్తాయని అంటున్నారు. బోయపాటి శ్రీను సినిమాల్లో యాక్షన్ సీన్స్ ప్రత్యేకంగా ఉంటాయి. అలాంటి బోయపాటి ప్రత్యేకమైన లొకేషన్స్ లో ఈ ఫైట్ సీన్ ప్లాన్ చేయడం సినిమాపై మరింత అంచనాలు పెంచింది.
ఇక ధ్రువ, రంగస్థలం వరుస సక్సెస్లతో దూసుకెళ్తున్న రాం చరణ్ ఈ సినిమాతో కూడా హిట్టు కొట్టడం గ్యారెంటీ అనేస్తున్నారు. డివివి దానయ్య నిర్మిస్తున్న ఈ సినిమాలో కియరా అద్వాని హీరోయిన్ గా నటిస్తుందట. దేవి శ్రీ ప్రసాద్ మ్యూజిక్ అందిస్తున్న ఈ సినిమాను 2019 సంక్రాంతి కానుకగా రిలీజ్ చేయాలని చూస్తున్నారు.
