టాలీవుడ్ నుండి దూరం అవుతున్న రవి తేజ..

”నేల టికెట్ ” సినిమా ఎన్నో అంచనాలతో … వెండితెర మీద కు వచ్చింది. కానీ అనుకున్న అంచనాలు తలకిందులు చేస్తూ… బాక్సపీస్ వద్ద బోర్లాపడింది. అంతే కాదు ఆ చిత్రం మీద నమ్మకం పెట్టున్న హీరో రవితేజతో సహా అందరి ఇమేజ్ ను నేలమీద కూర్చోబెట్టింది. అయితే ఈ సినిమా చేదు ఫలితాన్ని ఇచ్చినా … SRT ఎంటర్టైన్మెంట్ బ్యానర్ పై రవితేజతో మరో సినిమా చేసేందుకు రామ్ తాళ్లూరి సిద్ధం అవుతున్నాడు.

“అమర్ అక్బర్ ఆంథోనీ” తో రవి తేజకు భారీ విజయాన్ని అందించడంతో… రామ్ తాళ్లూరి ఇటీవల అతనితో ఒక కొత్త చిత్రం ప్రకటించారు. వి. ఆనంద్ దర్శకత్వంలో రవి తేజతో ఈ కొత్త చిత్రం అధికారికంగా ఒక వారం క్రితం ప్రకటించారు. అయితే, “అమర్ అక్బర్ ఆంథోనీ” బాక్సాఫీసు వద్ద బోల్తా కొట్టడంతో ఆ తరువాత సినిమా కొనేందుకు పంపిణీదారులు వెనుకంజ వేస్తున్నారట. ఈ ప్రభావంతో… ఈ చిత్ర నిర్మాణానికి కావాల్సిన బడ్జెట్ సమకూర్చుకోవడంలో రామ్ తాళ్లూరి ఇబ్బందిపడుతున్నట్టు సమాచారం.

అందుకే ఈ చిత్రాన్ని వీలైనంత లో బడ్జెట్ లో తెరకెక్కించాలని నిర్మాత, దర్శకులకు అయన సూచించాడట. కాకపోతే ఈ చిత్ర కధాంశం బట్టి గ్రాఫిక్స్, భారీ భారీ సెట్లు అవసరం కానీ రామ్ కండిషన్లతో ఆ విషయాల్లో రాజీపడాలని దర్శకుడు భావిస్తున్నారట. ఇక ఈ ఏడాది రవితేజ నటించిన మూడు సినిమాలు ప్లాప్ టాక్ తెచ్చుకున్నప్పటికీ రెమ్యూనేషన్ తగ్గించుకునేందుకు రవితేజ ఇష్టపడడంలేదట.ఇదే విధంగా ప్లాప్ సినిమాలు చేస్తుంటే ఒకోసారి టాలీవుడ్ కి దూరం అవుతాడేమో అని ఫ్యాన్స్ మనసులో అనిపిస్తుంది.