ఫిదా మూవీ ప్రేక్షకులను ఫిదా చేయడంతో కలెక్షన్ల వర్షం కురిపిస్తోంది. ఓవర్సీస్ ఆడియన్స్‌లో మాస్ మసాలా సినిమాలంటే క్లాస్ లవ్ స్టోరీలు, థ్రిల్లర్ సినిమాలు బాగా ఆడతాయి. రీసెంట్‌గా అల్లు అర్జున్ నటించిన ‘డిజె’ సినిమా రెండు తెలుగు రాష్ట్రాల్లో భారీ వసూళ్లను సాధిస్తే ఓవర్సీస్‌లో మాత్రం చతికిలపడింది. నాని నటించిన ‘నిన్ను కోరి’ సినిమా మాత్రం అక్కడ మిలియన్ మార్క్‌ను చేరువైంది. అయితే ఈ శుక్రవారం విడుదలైన ‘ఫిదా’ కూడా ఓవర్సీస్ ఆడియన్స్‌కు బాగా నచ్చే సినిమానే.. ఈ సినిమాను అక్కడ భారీ ఎత్తున విడుదల చేశారు.
ప్రీమియర్స్‌తో పాటు తొలిరోజు మంచి వసూళ్లను సాధించింది. వాస్తవానికి శేఖర్ కమ్ముల సినిమాలు అక్కడ ప్రేక్షకులకు బాగా కనెక్ట్ అవుతాయి. ఆనంద్, గోదావరి సినిమాలు ఓవర్సీస్ ఆడియన్స్‌కు బాగా సూట్ అవుతాయి. అయితే ఆ సినిమా విడుదలయ్యే సమయానికి ఓవర్సీస్ మార్కెట్ పెద్దగా లేదు. మార్కెట్ క్రియేట్ అయిన తరువాత శేఖర్ కమ్ముల నుండి సినిమాలు చాలా తక్కువగా వచ్చాయి. అయితే ఇప్పుడు ఆయన డైరెక్ట్ చేసిన ‘ఫిదా’కు అన్ని చోట్ల నుండి పాజిటివ్ రెస్పాన్స్ వస్తోంది. వచ్చే వారం కూడా ‘గౌతమ్ నంద’ వంటి మాస్ సినిమా రాబోతుంది కాబట్టి పెద్దగా పోటీ ఉండకపోవచ్చు. ఆ తరువాత వారంలో కూడా పెద్ద సినిమాలు ఏవీ లేవు. సో.. వసూళ్ల పరంగా ఫిదా దూకుడు చూపించే అవకాశం ఉంది. మిలియన్ క్లబ్‌లో చేరడానికి ఫిదాకు ఎక్కువ సమయం పట్టకపోవచ్చు
