ట్రైలర్ టాక్ : హాలీవుడ్‌ని తలపించేలా ‘ఘాజీ’ సబ్-మెరీన్ వార్ అదిరింది

the ghazi attack movie trailer rana daggubati

Rana Daggubati’s latest movie ‘the ghazi attack’ trailer has been released and it is damn interesting. This movie picturised based on 1971 Indo-Pak submarine war. New director Sankalp directed this movie under PVP cinema.

టాలీవుడ్ ఆరడుగుల ఆజానుభావుడు దగ్గుబాటి రానా కథానాయకుడిగా నటిస్తున్న తాజా చిత్రం ‘ది ఘాజీ ఎటాక్’. 1971లో ఇండియా, పాకిస్థాన్ మధ్య జరిగిన సబ్-మెరీన్ యుద్ధం ఆధారంగా హిందీ, తెలుగు భాషల్లో ఒకేసారి షూటింగ్ జరుపుకుంటున్న ఈ చిత్రాన్ని నూతన దర్శకుడు సంకల్ప్ తెరకెక్కిస్తున్నాడు. పివిపి సినిమా, మ్యాటినీ ఎంటర్‌టైన్‌మెంట్ సంయుక్తంగా రూ.70 కోట్ల భారీ బడ్జెట్‌తో నిర్మిస్తున్న ఈ చిత్రంలో బాలీవుడ్ ప్రముఖ నటులు ఓంపురి, కేకే మీనన్, అతుల్ కుల్‌కుర్ణిలు కీలకపాత్రలు పోషిస్తున్నారు. నాజర్ కూడా కీ-రోల్‌లో నటిస్తున్న ఈ చిత్రంలో తాప్సీ పన్ను కథానాయికగా నటిస్తోంది. ఈ మూవీకి సంబంధించి రీసెంట్‌గా ఫస్ట్‌లుక్ పోస్టర్లు రిలీజ్ అవ్వగా.. వాటికి అనూహ్య స్పందన వచ్చింది. తాజాగా సంక్రాంతి కానుకగా ఈ మూవీ ట్రైలర్‌ని చిత్రబృందం రిలీజ్ చేసింది. ఆ ట్రైలర్ ఎలాగుందో చూద్దాం పదండి..

‘యుద్ధం అంటే దేశం కోసం ప్రాణాలు అర్పించడం కాదు.. శత్రువు ప్రాణాలు తీసి గెలవడం’ అనే డైలాగ్‌తో ప్రారంభమయ్యే ఈ ట్రైలర్‌లో హాలీవుడ్‌ని తలపించే రేంజులో ఉంది. కళ్లుచెదిరే రేంజులో సబ్‌మెరీన్ విజువల్స్ ఉన్నాయి. కళ్లకు కట్టినట్లుగా చూపించిన విధానం అద్భుతం. ఓ డెబ్యూటెంట్ డైరెక్టర్ ఈ తరహా చిత్రాన్ని డీల్ చేయడం నిజంగా విశేషం. నేవీ ఆఫీసర్‌గా రానా గెటప్ అదిరింది. ఇతనితోపాటు ఇందులో కీలక పాత్రలు పోషించినవారిని కూడా హైలైట్ చేస్తూ చూపించారు. కొత్త దర్శకుడు సంకల్ప్ టేకింగ్ చూస్తే.. ఆల్రెడీ చాలా అనుభవం ఉన్నట్లు అనిపిస్తుంది. సినిమాటోగ్రఫీ, ఎడిటింగ్ వర్క్స్ బాగున్నాయి. బ్యాక్‌గ్రౌండ్ మ్యూజిక్ అదిరింది. ఓవరాల్‌గా.. ట్రైలర్ మైండ్‌బ్లోయింగ్. తెలుగు, హిందీతోపాటు తమిళంలో కూడా ఈ చిత్రాన్ని రిలీజ్ చేస్తున్నారు కాబట్టి.. రూ.100 కోట్లు ఖచ్చితంగా కొల్లగొట్టడం ఖాయం.

More from my site

Share Your Thoughts

comments