Moviesతెలుగు సినిమాలకు యూఎస్‌ లో కాసుల వర్షం

తెలుగు సినిమాలకు యూఎస్‌ లో కాసుల వర్షం

ఫిదా, నేనే రాజు నేనే మంత్రి, ఆనందో బ్రహ్మ.. ఈ మధ్య కాలంలో విడుదలై పాజిటివ్ టాక్ పొందిన తెలుగు సినిమాలు. మంచి వసూళ్లతో సత్తా చూపుతున్న సినిమాలు. ఈ సినిమాలకు తెలుగునాటే కాదు.. ఓవర్సీస్ లో కూడా బ్రహ్మాండమైన వసూళ్లు వస్తున్నాయని ట్రేడ్ పండితులు చెబుతున్నారు. ఈ విషయాన్ని ట్రేడ్ ఎనలిస్టు తరణ్ ఆదర్శ్ కూడా ధ్రువీకరిస్తున్నాడు. ఈ మూడు సినిమాల యూఎస్ వసూళ్ల గురించి తాజాగా ఆయన ట్వీట్ చేశారు.

ఫిదా సినిమా యూఎస్ లో 2,054,256 డాలర్ల వసూళ్లను సాధించింది. అనగా దాదాపు 13.14 కోట్ల రూపాయల కలెక్షన్లు వచ్చాయి. యూఎస్ మార్కెట్ లో రెండు మిలియన్ డాలర్ల వసూళ్లను దాటిన సినిమాలు తక్కువగానే ఉన్నాయి. అలాంటి అరుదైన ఫీట్ ను సాధించింది ‘ఫిదా’.ఇక ‘బాహుబలి’ రానా సోలో హీరోగా నటించిన ‘నేనే రాజు నేనే మంత్రి’ కూడా యూఎస్ వసూళ్లలో సత్తా చూపింది. ఆరు లక్షల డాలర్లకు పైగా వసూళ్లను సాధించింది ఈ సినిమా. ఆగస్టు 24నాటికి ఈ సినిమాకు మొత్తం 3.97 కోట్ల రూపాయల వసూళ్లు వచ్చాయని తరణ్ ట్వీట్ చేశాడు.

హారర్ జోనర్ ఎంటర్ టైనర్ గా వచ్చిన ‘ఆనందోబ్రహ్మ’ కూడా అదరగొట్టేసింది. పరిమిత బడ్జెట్ తో రూపొందిన ఈ సినిమా యూఎస్‌లో మూడున్నర లక్షల డాలర్ల వసూళ్లను సాధించింది. భారతద్రవ్యమానంలో చెప్పాలంటే దాదాపు 2.25 కోట్ల రూపాయల వసూళ్లు వచ్చాయి. ఆనందో బ్రహ్మ చాలా తక్కువ బడ్జెట్ తో రూపొందిన సినిమా. యూఎస్ లో దీనికి వచ్చిన వసూళ్లను గమనిస్తే ఇది పెద్ద హిట్టే.ఈ గణాంకాలు అన్నీ ఆగస్టు 24 వ తేదీ నాటికి వచ్చిన వసూళ్లు. ఈ విధంగా తెలుగు సినిమాలు యూఎస్‌లో కలెక్షన్ల పండగ చేసుకుంటున్నాయి.

మ‌రిన్ని సినిమా వార్త‌ల కోసం ఈ లింక్ క్లిక్ చేయండి

Latest news