మెగాస్టార్ చిరంజీవి హీరోగా ఖైది నంబర్ 150 తర్వాత 151వ సినిమాగా రాబోతున్న మూవీ సైరా నరసింహారెడ్డి. సురేందర్ రెడ్డి డైరక్షన్ లో వస్తున్న ఈ సినిమాను కొణిదెల ప్రొడక్షన్ బ్యానర్లో రాం చరణ్ నిర్మిస్తున్నాడు. మొదటి షెడ్యూల్ మాత్రమే పూర్తి చేసుకున్న ఈ సినిమా డిజిటల్ రైట్స్ రూపంలో సంచలనం సృష్టించింది. అమేజాన్ ప్రైం ఏకంగా 30 కోట్లు పెట్టి కొనేశారట.
ఇక సినిమాకు సంబందించి టీజర్, ట్రైలర్ లాంటివన్ని అమేజాన్ ప్రైం నుండే రిలీజ్ అవుతాయి. విజువల్ గ్రాండియర్ గా వస్తున్న ఈ సినిమాను ఇంత మొత్తంగా పెద్ద ప్లాన్ తోనే కొనేశారు అమేజాన్ ప్రైం. ఇక ఈ సినిమా బాహుబలి రేంజ్ బిజినెస్ చేసేలా పరిస్థితులు కనిపిస్తున్నాయి. ఉయ్యాలవాడ నరసింహారెడ్డి బయోపిక్ గా వస్తున్న ఈ సినిమా 2019 సమ్మర్ టార్గెట్ తో వస్తుంది.
మరి సెట్స్ మీద ఉండగానే రికార్డులు సృష్టిస్తున్న సైరా ఇక సినిమా రిలీజ్ తర్వాత ఇంకెన్ని సంచలనాలు సృష్టిస్తుందో చూడాలి. పదేళ్ల తర్వాత ఖైది నెంబర్ 150తో సంచలనం సృష్టించిన చిరు 151తో ఆ లెక్క సరిచేసేలా చూస్తున్నాడు.
