Gossipsమహానుభావుడు కోసం...శర్వానంద్ రెమ్యూనరేషన్ ఎంతో తెలుసా ?

మహానుభావుడు కోసం…శర్వానంద్ రెమ్యూనరేషన్ ఎంతో తెలుసా ?

‘రాధా’ సినిమాతో పెద్దగా ఆకట్టుకోలేకపోయాడు శర్వానంద్. ఆ సినిమా బోల్తా పడినా.. వరస విజయాల మీద ఉన్న ఈ హీరోకి పెద్దగా ఇబ్బంది ఏమీ ఎదురుకాలేదని తెలుస్తోంది. ఈ హీరో తదుపరి సినిమా విషయంలో వినిపిస్తున్న భారీ నంబర్లే అందుకు రుజువు. ప్రత్యేకించి పారితోషకం విషయంలో శర్వా హవా కొనసాగుతోందని తెలుస్తోంది. ఏకంగా మూడున్నర కోట్ల రూపాయల పారితోషకాన్ని పొందుతున్నాడట ఈ హీరో.ఇదంతా ‘మహానుభావుడు’ సినిమా విషయంలో.

దాసరి మారుతి దర్శకత్వంలో రూపొందుతున్న సినిమా ఇది. మారుతి గత సినిమా కూడా అంతగా ఆకట్టుకోలేదు. అయినప్పటికీ ఈ సినిమాపై పాజిటివ్ బజ్ వినిపిస్తోంది. ఇది కూడా ‘భలే భలే మగాడివోయ్’ తరహా ఎంటర్‌టైనర్ అనే ప్రచారం నేపథ్యంలో ఈ సినిమా ప్రీ రిలీజ్ మార్కెట్ భారీ స్థాయిలోనే ఉందని సమాచారం.తను చేస్తున్న సినిమాలకు పారితోషకంగా.. ఓవర్సీస్ రైట్స్ ను తీసుకుంటున్నాడట శర్వానంద్. ‘రాధా’ విషయంలోనే అదే జరిగింది, ఇప్పుడు ‘మహానుభావుడు’ విషయంలో కూడా అదే జరుగుతోందని తెలుస్తోంది. ఇక్కడే శర్వానంద్ పారితోషకం స్థాయి వెల్లడి అవుతోంది. ఈ సినిమా ఓవర్సీస్ రైట్స్ ను ఏకంగా మూడున్నర కోట్ల రూపాయలకు అమ్మారట. అదంతా శర్వానంద్ పారితోషకమని తెలుస్తోంది. మరి ఒక సినిమా పోయినా.. శర్వా ఊపు ఏమీ తగ్గడం లేదు. అంతకు ముందు దక్కిన వరస విజయాల పుణ్యమే ఇది.

మ‌రిన్ని సినిమా వార్త‌ల కోసం ఈ లింక్ క్లిక్ చేయండి

Latest news