అందాల భామ రకుల్ ప్రీతి ఇప్పుడు హీరోయిన్లను సినిమాల్లో సిపార్సు చేయించే రేంజ్ కి వెళ్ళిపోయింది. తాజాగా ఆమె తనకు కావాల్సిన ఒక అమ్మాయిని హీరోయిన్ క్యారెక్షర్ కి రికమండేషన్ చేసి తన తడాఖా నిరూపించుకుంది. షూటింగ్ ప్రారంభం అయిన ఆ చిత్రం త్వరలోనే ప్రేక్షకుల ముందుకు రానుంది. రకుల్ రిక‌మెండ్ చేసిన హీరోయిన్ గురించి ఆరా తీస్తే అస‌లు మ్యాట‌ర్ బ‌య‌ట‌కు వ‌చ్చింది.
ఇండో – పాక్‌ వార్‌ నేపథ్యంలో పూరి ఆకాష్ హీరోగా పూరి జగన్నాథ్ దర్శకత్వంలో రూపొందనున్న చిత్రం ‘మెహబూబా’. పూరి జగన్నాథ్ తనయుడు ఆకాష్‌ని తొలిసారి డైరెక్ట్ చేస్తోన్న సంగతి తెలిసిందే. ఆకాష్ – నేహా శెట్టి జంటగా “మెహబూబా” సినిమాని తెరకెక్కిస్తున్నారు. ఇది పూరి మార్క్ ప్రేమకథ చిత్రమని చెబుతున్నారు. అయితే, నేహా శెట్టి ఈ సినిమా ఆఫర్ కొట్టేయడం వెనక హీరోయిన్ రకుల్ ప్రీత్ సింగ్ హస్తం ఉన్నట్టు తెలుస్తోంది. రకుల్ సోదరుడు అమన్ సినిమాల్లో నటించేందుకు ఆసక్తిని చూపుతున్న విషయం తెలిసిందే. అమన్ ప్రియురాలే నేహా శెట్టి.
రకుల్ సోదరుడు అమన్ కొంతకాలంగా ఈ ముద్దుగుమ్మతో ప్రేమాయణం సాగిస్తున్నాడు. ఈమె కోసం రకుల్ పూరికి సిఫార్సు చేయడంతోనే మెహబూబా ఆఫర్ వచ్చినట్టు తెలుస్తోంది. ప్రస్తుతం ఈ సినిమా షూటింగ్ జెట్‌ స్పీడుతో సాగుతోంది. వివిధ ప్రాంతాల్లో షెడ్యూల్స్ ప్లాన్ చేశారు. మరీ మెహబూబ గా నేహా శెట్టి ఏ రేంజ్ లో తన ఫెరఫామెన్స్ చూపిస్తుందో తెలుసుకోవాలంటే కొంతకాలం ఆగాల్సిందే.
