‘రారండోయ్ వేడుక చూద్దాం’ అంటూ చాలా సింపుల్ గా వచ్చేశాడు నాగ్ చైతన్య. ఆయన తండ్రి మరియు ప్రొడ్యూసర్ నాగార్జున కూడా ఈ సినిమా పట్ల చాలా కాన్ఫిడెంట్ గా ఉన్నాడు. అందుకే ఈ సినిమాను గ్రాండ్ గా రిలీజ్ చేసి గ్రాండ్ హిట్ కొట్టేశాడు. ధియేటర్లలో మూడు వారాల రన్ ఫినిష్ చేసుకున్న ఈ సినిమా ఇప్పుడు సూపర్ హిట్ అనిపించుకుంటోంది.
మొత్తం 17 రోజులకు గాను.. కళ్యాణ్ కృష్ణ డైరక్షన్లో రూపొందిన రారండోయ్ వేడుక చూద్దాం ఏకంగా 25+ కోట్ల షేర్ వసూలు చేసింది. ముఖ్యంగా ఆంధ్ర ప్రాంతంలో ఇరగదీస్తూ ఏకంగా 10 కోట్ల షేర్.. నైజాంలో 8.1+ కోట్లు షేర్.. సీడెడ్లో 2.71 కోట్లు షేర్ వసూలు చేసింది.. రెండు తెలుగు రాష్ట్రాల్లో కలుపుకుని 21+ కోట్లు షేర్ తెచ్చుకుంది. ఇక కర్ణాటకలో అమెరికాలో ఇతర స్టార్ కిడ్స్ తో పోల్చుకుంటే చైతూ మార్కెట్ కాస్త చిన్నదే అయినప్పటికీ.. అలాంటి టెరిటరీస్ అన్నీ కలుపుకుని 4 కోట్ల షేర్ తెచ్చాడు. మొత్తంగా 25+ కోట్ల షేర్ తో మాంచి హిట్టే కొట్టాడు.
ఇకపోతే సమ్మర్ లో బాహుబలి 2 తరువాత మరో సినిమా ఏదీ హిట్టవ్వలేదు. కొద్దోగొప్పో రారండోయ్ వేడుకచూద్దాం ఒకటే ఆ లోటును బాగా క్యాష్ చేసుకుంది. ఎలాగో జూన్ 23న డిజె దువ్వాడ జగన్నాథమ్ సినిమా వచ్చే వరకు పెద్ద సినిమాలేవీ లేవు కాబట్టి.. రారండోయ్ కు ఇంకాస్త కుమ్ముకునే ఛాన్సు దొరికినట్లే. అది సంగతి.
