టాలీవుడ్ లో టాప్ హీరోయిన్ స్టేటస్ కొట్టేసిన రకూల్ ప్రీతీ సింగ్ జయాపజయాలతో సంభంధం లేకుండా మంచి మంచి ఆఫర్లు కొట్టేస్తోంది. వరుస ఆఫర్లతో మంచి బిజీగా మారిపోయిన ఈ హీరోయిన్ అన్ని ఆఫర్లు ఒప్పుకోకుండా తనకు ఆ సినిమాలో ఎటువంటి పాత్ర ఉండబోతోంది..? ప్రాధాన్యం ఉందా లేదా అనే అన్ని విషయాలు పూర్తిగా తెలుసుకుని మరీ ముందు అడుగులు వేస్తోంది. ఒక టాప్ హీరో ఏడాదికి ఒక సినిమా చేసి సరిపెట్టుకుంటుంటే … రకూల్ మాత్రం ఏడాదికి మూడు సినిమాలు చేస్తూ .. టాప్ హీరోలకు కూడా సవాల్ విసురుతోంది.
ఈ మధ్య కాలంలో రకూల్ చేసిన సినిమాల్లో ఒక్క సినిమా తప్ప మిగతా అన్నీ పెద్దగా పెద్దగా విజయాలను నమోదు చేసుకోకపోవడంతో కొంచెం వెనక్కు వెళ్లినట్టు కనిపించింది. స్పైడర్ సినిమాపై ఈ ముద్దు గుమ్మ ఎంతో ఆశ పెట్టుకుంది. కానీ ఆ సినిమా ఎవరూ ఊహించని విధంగా ఘోర పరాజయాన్ని మిగిల్చింది. అయినా రకుల్ కి అవకశాలను ఏ మాత్రం తగ్గడం లేదు. ప్రస్తుతం చేతిలో చాలా సినిమాలే ఉన్నాయి.
ప్రస్తుతం ఈ అమ్మడి చేతిలో నాలుగు సినిమాలు ఉన్నాయి. బాలీవుడ్ లో అయ్యారి సినిమాతో పాటు సౌత్ మరో మూడు సినిమాలు ఉన్నాయి. ముఖ్యంగా లవ్ స్టోరీలు వస్తే ఏ మాత్రం వదులుకొను అంటోంది. కానీ రకుల్ తాజాగా రవితేజ పక్కన నటించే అవకాశం వచ్చినా అందుకు మొహమాటం కూడా లేకుండా నో చెప్పినట్లు వార్తలు వస్తున్నాయి. గతంలో రవితేజ పక్కన కిక్ -2 సినిమాలో నటించిన ఈమె ఆ సినిమా ఆశించినంత స్థాయిలో ఆడకపోవడంతో ఇప్పుడు మళ్ళీ ఆ కంబినేషన్ లో చేసేందుకు జంకుతుందేమో అన్న వార్తలు జోరుగా వినిపిస్తున్నాయి.
