‘ఖైదీ నెంబర్ 150’పై రాజమౌళి బ్లాస్టింగ్ కామెంట్స్

rajamouli praises chiranjeevi khaidi no 150 ram charan vv vinayak

Tollywood ace director SS Rajamouli praises ‘Khaidi no 150’ movie and says thanks to Chiranjeevi for coming back to field. He also congratulate Ram Charan for dubeting with this record breaking movie.

దాదాపు దశాబ్దకాలం తర్వాత తన మైల్‌స్టోన్ మూవీ ‘ఖైదీ నెంబర్ 150’తో ప్రేక్షకుల ముందుకొచ్చిన మెగాస్టార్ చిరంజీవి.. అదే స్టైల్, గ్రేస్‌తో ఆడియెన్స్‌ని మెస్మరైజ్ చేశారు. 62 ఏళ్ల వయసులోనూ 25 ఏళ్ల యువకుడిలా అదిరిపోయే స్టెప్పులు వేయడంతోపాటు యాక్షన్ సన్నివేశాల్లో నటించి.. అదరహో అనిపించారు. బాస్ ఈజ్ రియల్లీ బ్యాక్ అనేలా నటనాప్రతిభా కనబరిచారు. అసలుసిసలైన సినిమాతోనే రిమార్కబుల్ రీఎంట్రీ ఇచ్చారు. తన సత్తా చాటుకుని.. విమర్శకుల ప్రశంసలూ అందుకున్నారు. ఎందరో క్రిటిక్స్, ప్రముఖులు ఆయన కంబ్యాక్ అదిరిందని పొగడ్తలతో ముంచెత్తుతున్నారు. తాజాగా వీరి జాబితాలో దర్శకధీరుడు రాజమౌళి కూడా చేరిపోయాడు.

‘ఖైదీ’ సినిమా చూసిన అనంతరం ఎగ్జైట్‌మెంట్ తట్టుకోలేకపోయిన రాజమౌళి.. సామాజిక మాధ్యమం ద్వారా ఆ మూవీపై, చిరు రీఎంట్రీపై తన ఫీలింగ్స్‌ని బయటపెట్టాడు. ‘బాస్ ఈజ్ బ్యాక్!! చిరంజీవిగారు.. మీరు మళ్ళీ సినిమాల్లోకి తిరిగి వచ్చినందుకు థ్యాంక్స్.. పదేళ్ల నుంచి మిమ్మల్ని మిస్ అవుతూ వస్తున్నాం.. ఈ సినిమాతో రికార్డ్ బ్రేకింగ్ ప్రొడ్యూసర్‌గా అవతారమెత్తిన రామ్ చరణ్‌కి శుభాకాంక్షలు.. వినయ్ గారు మీరు కుమ్మేశారంతే. ఈ ప్రాజెక్ట్‌కి మీరు తప్ప ఎవ్వరూ హ్యాండిల్ చేయలేరు’ అని జక్కన్న ప్రశంసల వర్షం కురిపించాడు. దీంతో.. మెగాభిమానుల ఆనందానికి అవధుల్లేకుండా పోయింది. ఒక లెజెండ్ చిత్రంపై మరో లెజెండ్ పాజిటివ్‌గా స్పందించడంతో వాళ్లు సంతోషం వ్యక్తం చేస్తున్నారు.

More from my site

Share Your Thoughts

comments