హాలీవుడ్ రేంజ్‌లో ఫ్యాన్స్ ఫాలోయింగ్‌ పెంచుకున్న బ్యూటీ ఓ న్యూస్‌తో ఇప్పుడు హాట్ టాపిక్‌గా మారింది. బాలీవుడ్ నుంచి హాలీవుడ్‌కు ప్రమోట్‌ అందాల తార ప్రియాంకా చోప్రా కి ఉన్న క్రేజ్‌ ఏ మాత్రం తగ్గలేదు. తన టాలెంట్‌తో బాలీవుడ్ , హాలీవుడ్ అనే తేడా లేకుండా దూసుకుపోవడంతో పాటు ప్రపంచవ్యాప్తంగా ఎంతోమంది అభిమానులను సంపాదించుకుంది ఈ ముద్దు గుమ్మా.కేవలం నటన ఒక్కటే కాదు పారితోషకంలోనూ నాది హాలివుడ్ రేంజ్ అంటూ సవాల్ విసురుతోంది.
బాలీవుడ్ లో అత్యధిక పారితోషకం తీసుకుంటున్న హీరోయిన్ లలో ప్రియాంక చోప్రా ఒకరు. ఈమె ఈ మధ్య వార్తల్లోకి ఎక్కింది ఎందుకంటే … ఓ సినిమాలో చెయ్యడానికి 5 కోట్లు డిమాండ్ చేసిందట. ఇంతకీ పూర్తిగా ఆ సినిమాలో నటించడానికి కాదు. కేవలం ఓ ప్రత్యేక పాటలో నటించడానికే అంత డిమాండ్ చెయ్యడంతో … అందరూ ఇప్పుడు ముక్కున వేలేసుకుంటున్నాను.
ఇటీవల ముంబైలో జరిగిన జీ సినీ అవార్డుల కార్యక్రమంలో బాలీవుడ్‌కు సంబంధించిన చాలామంది నటీనటులు స్టేజ్‌ మీద డాన్స్ చేసారు. అందులో ప్రియాంక చోప్రా కూడా ఉన్నారు. అయితే ఆ షో చివర్లో ఐదు నిమిషాల పాటకు డాన్స్ చేసినందుకు ప్రియాంక ఐదు కోట్లు డిమాండ్ చేసిందట. దీంతో అమ్మో ప్రియాంకా ఇంత కాస్ట్లీనా… హాలీవుడ్ కి వెళ్ళాక రేంజ్ పెరిగినట్టు ఉందే అంటూ బాలీవుడ్ సినీ జనాలు గుసగుసలాడుకుంటున్నారు.
