తారక్ 27వ సినిమాకి తాత టైటిల్ ఫిక్స్.. ఫిల్మ్ ఛాంబర్‌లో రిజిష్టర్ చేసిన కళ్యాణ్ రామ్

ntr bobby movie title jai lavakusa kalyan ram registered in film chamber

Kalyan Ram registered a title ‘Jai Lavakusa’ in film chamber for NTR 27th project under Bobby direction.

ఎన్టీఆర్, బాబీ కాంబినేషన్‌లో రూపొందుతున్న సినిమాకి టైటిల్ ఏంటన్న విషయంపై ఇండస్ట్రీలో ఎప్పటినుంచో చర్చ జరుగుతూనే ఉంది. ఆమధ్య రెండుమూడు పేర్లు కూడా వినిపించాయి. వాటిల్లో ‘నట విశ్వరూప’ అనే టైటిల్‌ని దాదాపు ఫిక్స్ చేస్తున్నారని ప్రచారం జోరుగా సాగింది. కానీ.. అవన్నీ రూమర్లేనని ఈ మూవీ నిర్మాత కళ్యాణ్ రామ్ ఖండించాడు. అయితే.. తాజాగా అతను ఫిల్మ్ ఛాంబర్‌లో ‘జై లవకుశ’ అనే టైటిల్ రిజిష్టర్ చేయించాడని తెలిసింది. ‘లవ కుశ’టైటిల్‌తో 1963లో సీనియర్ ఎన్టీఆర్ ఓ సినిమా చేశారు. ఇప్పుడు ఆ టైటిల్‌కి ‘జై’ జోడించి.. ‘జై లవకుశ’గా తారక్‌ మూవీకి టైటిల్‌గా ఫిక్స్ చేసినట్లు తెలుస్తోంది.

ఈ టైటిల్ ఎన్టీఆర్ 27వ సినిమాకేనని అధికారిక ప్రకటన అయితే రాలేదు కానీ, టైటిల్ చూస్తే మాత్రం అది తారక్ మూవీకేనని ఇండస్ట్రీ వర్గాలు అంటున్నాయి. ఎందుకంటే.. బాబీ దర్శకత్వంలో తెరకెక్కే ఈ సినిమాలో తారక్ మూడుపాత్రలు పోషిస్తున్నాడు. ఆ విషయాన్ని దృష్టిలో పెట్టుకునే మూడుపాత్రల పేర్లు వచ్చేలా ‘జై లవకుశ’ టైటిల్‌ని ఫిక్స్ చేసి ఉంటారని అంటున్నారు. ఈ నేపథ్యంలోనే మరో ఆసక్తికరమైన న్యూస్ కూడా వెలుగులోకి వచ్చింది. కథప్రకారం.. ఈ మూవీలో లవ, కుశ ఇద్దరూ బ్రదర్స్ అని.. జై నెగెటివ్ షేడ్స్ కలిగిన పాత్ర అని పుకార్లు షికారు చేస్తున్నాయి. ఒకవేళ ఇదే నిజమైతే.. ఎన్టీఆర్‌లో దాగిన మరో కోణం చూసే అవకాశం మనకందరికీ లభిస్తుంది. ఆల్రెడీ నటనలో ఫుల్ మార్కులు వేయించుకున్న తారక్.. ఈ మూవీలో వీరోచిత పెర్ఫార్మెన్స్ చూపించడం ఖాయమని అర్థం అవుతోంది.

More from my site