ఆగష్టు 11 టాలీవుడ్ జనానికి పిచ్చెక్కించబోయే రోజు…ఆ ఒకేసారి 3సినిమాలు విడుదలకాబోతున్నాయి. రానా నేనే రాజు నేనే మంత్రి, బోయపాటి డైరెక్షన్లో జయజానకి నాయక, నితిన్ హీరోగా లై సినిమాలు థియేటర్లలోకి వస్తున్నాయి. ఈ మూడింటిలో లై సినిమా రిజల్ట్ ముందుగా తెలియబోతుంది. మరికొన్ని గంటల్లో ఓవర్సీస్ లో ఈ సినిమా ప్రీమియర్ షోస్ ప్రారంభం కాబోతున్నాయి.
రామ్ ఆచంట, గోపీ ఆచంట, అనీల్ సుంకర కలిసి 14 రీల్స్ బ్యానర్ పై భారీ బడ్జెట్ తో నిర్మించారు ఈ సినిమాని.ఓవర్సీస్ మార్కెట్ పై మంచి పట్టున్న వీరు లై సినిమాను సొంతంగా రిలీజ్ చేస్తున్నారు. ‘సినిమా పారడిసో’ ద్వారా యూఎస్ లో భారీ స్థాయిలో లై సినిమాను విడుదల చేస్తోంది ఈ 14 రీల్స్ బ్యానర్.
నార్త్ అమెరికాలో ఇప్పటివరకు 125కి పైగా లొకేషన్లను చూసారు.రిలీజ్ అయ్యే టైమ్ కు ఈ సంఖ్య ఇంకా పెరిగే అవకాశముంది. నితిన్ కెరీర్ లో భారీగా విడుదల అవుతున్న ఓవర్సీస్ సినిమా. ఈ సినిమా ప్రీమియర్స్ ను అక్కడ పెద్ద ఎత్తున ప్లాన్ చేసింది 14 రీల్స్ సంస్థ. ఏకంగా 107 లొకేషన్లలో ప్రీమియర్స్ వేయబోతున్నారు. మరికొన్ని గంటల్లో యూఎస్ లోని అన్ని ప్రధాన నగరాల్లో ‘లై’ సినిమా ప్రీమియర్స్ మొదలవబోతున్నాయి. ఆ వెంటనే సినిమా టాక్ బయటకొస్తుంది.
