News‘అతడు’ రాత్రివేళల్లో హీరోయిన్ నమిత ఇంట్లోకి దూరి..

‘అతడు’ రాత్రివేళల్లో హీరోయిన్ నమిత ఇంట్లోకి దూరి..

Actress Namitha harassed and threatened by her house owner. He had threatened to cut off electricity and water supplies and throw her out of the house physically, she said in the petition.

బొద్దుగుమ్మ నమితకు సినిమా అవకాశాలు లేకపోయినా.. అభిమానులు మాత్రం కోకొల్లలు. అందుకు కారణం.. ఆమె భారీ అందమే. ఇక తమిళులు అయితే ప్రత్యేకంగా గుడి కట్టేశారంటే.. ఆమెపై వారి అభిమానం ఏ స్థాయిలో ఉందో అర్థం చేసుకోవచ్చు. అలాంటి అమ్మడు ఇప్పుడు ఇంటి కష్టాలతో ఇబ్బందులు ఎదుర్కొంటోంది. చివరికి.. కోర్టు మెట్లు ఎక్కింది.

పూర్తి వివరాల్లోకి వెళ్తే.. ప్రస్తుతం నమిత చెన్నై లోని నుంగంబాక్కంలో అద్దె ఇంట్లో నివసిస్తోంది. మొదట్లో ఆమెకి ఇంటి ఓనర్ నుంచి ఎలాంటి సమస్యలు ఎదురుకాలేదు కానీ.. ఈమధ్య అతడు ఇంటిని ఖాళీ చేయాలని తెగ ఒత్తిడి తెస్తున్నాడట. ఇద్దరిమధ్య ఏం చెడిందో తెలీదు కానీ.. అతగాడు మాత్రం ఎలాంటి పరిస్థితుల్లోనైనా ఇంటికి ఖాళీ చేయాల్సిందేనని నిత్యం ఇబ్బంది పెడుతున్నారట. ప్రతిరోజూ రాత్రిపూట ఇంట్లోకే దూరి.. ఇల్లు ఖాళీ చేయమంటూ నానా హంగామా చేస్తున్నాడట. డిసెంబర్ 31 నాటికి ఇంటిని ఖాళీ చేయాలని లేకపోతే ఎలక్ట్రిసిటీతోపాటు వాటర్ సప్లై కూడా ఆపేస్తానని బెదిరించాడట. దీంతో.. ఆమె కోర్టుని ఆశ్రయించింది.

ఇల్లు ఖాళీ చేయమని యజమాని తెగ ఇబ్బంది పెడుతున్నాడంటూ నమిత చెన్నైలోని 13వ అసిస్టెంట్ సిటీ సివిల్ కోర్టులో పిటిషన్ వేసింది. అంతేకాదు.. తన ఇంట్లోకి దూరి కూడా హంగామా చేస్తున్నాడని అందులో పేర్కొందట. ఇప్పటికిప్పుడు ఇల్లు వదిలేస్తే.. తాను కఠిన పరిస్థితులు ఎదుర్కోవలసి వస్తుందని ఆమె పిటిషన్‌లో వెల్లడించింది. ఈ పిటీషన్‌పై ఇరుపక్షాల వాదనలు విన్న న్యాయమూర్తి.. ఈ నెల12 వరకు ఆ ఇంట్లోనే నమితని ఉండేలా మధ్యంతర ఉత్తర్వులు జారీ చేశారు. ఆలోపు ఆమెని ఇబ్బందికి గురిచేయొద్దని ఇంటి యజమానికి ఆదేశాలిచ్చారు.

మ‌రిన్ని సినిమా వార్త‌ల కోసం ఈ లింక్ క్లిక్ చేయండి

Latest news