ట్రైలర్ టాక్ : రంకుమొగుడి సత్తా చాటిన ‘గుంటూరోడు’

gunturodu trailer talk manchu manoj pragya jaiswal

Rocking star Manchu Manoj latest movie Gunturodu trailer has released and it is very impressive. Pragya Jaiswal look very beautiful in this trailer. This movie directed by SK Satya.

రాకింగ్ స్టార్ మంచుమనోజ్ కథానాయకుడిగా ఎస్.కే.సత్య దర్శకత్వంలో తెరకెక్కుతున్న తాజా చిత్రం ‘గుంటూరోడు’. ప్రగ్యాజైస్వాల్ హీరోయిన్‌గా నటిస్తున్న ఈ సినిమా శరవేగంగా షూటింగ్ జరుపుకుంటోంది. ఈమధ్యే ఈ మూవీకి సంబంధించి రిలీజైన ఫస్ట్‌లుక్ పోస్టర్స్, టీజర్‌కి అదిరిపోయే రెస్పాన్స్ వచ్చింది. ఇప్పుడు తాజాగా ఈ మూవీ ట్రైలర్‌ని రిలీజ్ చేసింది యూనిట్. అదెలాగుందో చూద్దాం పదండి..

ఈ ట్రైలర్‌లోనే సినిమా స్టోరీలైన్ ఏంటో క్లియర్‌గా చెప్పేశారు. ఓ అందమైన అమ్మాయిని చూసి హీరో లవ్‌లో పడడం, ఆమెకి రౌడీ బ్యాక్‌గ్రౌండ్ ఉండడం, ఆమెని దక్కించుకోవడం కోసం వాళ్లతో హీరో ఫైట్ చేయడం.. అనే కథాంశంతోనే ఈ సినిమా తెరకెక్కినట్లు స్పష్టంగా అర్థం అవుతుంది. ట్రైలర్‌లోని సగభాగం వరకు హీరో-హీరోయిన్ల రొమాంటిక్ ట్రాక్, కామెడీ ఎపిసోడ్లతో నింపేశారు. చూస్తుంటే.. సినిమాలో మనోజ్, ప్రగ్యాల మధ్య రొమాన్స్ బాగానే ఉన్నట్లు కనిపిస్తోంది. ఇక కామెడీ కూడా హిల్లేరియస్‌గా ఉండనున్నట్లు తెలుస్తోంది. ఇక మిగతా సగభాగం మొత్తం ఊర మాస్‌తో నింపేశారు. యాక్షన్ ఎపిసోడ్స్ అదిరాయి. డైలాగులు కూడా సూపర్బ్‌గా ఉన్నాయి. ‘భూమ్మీద దేవతలు తిరుగుతుంటే.. యుద్ధాలు చేయాలి బావ’, ‘సత్తా ఉన్నోడ్ని చూస్తే.. చావుక్కూడా పడిపోద్ది’ అని మనోజ్ చెప్పే డైలాగులతోపాటు ‘మొగుడ్నైనా మ్యానేజ్ చేయొచ్చుగానీ.. రంకుమొగుడ్ని మ్యానేజ్ చేయడం చాలా కష్టం’ అని కోట చెప్పే డైలాగ్ బాగా పేలింది.

మంచు మనోజ్ అటు లవర్‌బాయ్‌గా, ఇటు ఊరమాస్ క్యారెక్టర్‌లో అదరగొట్టేశాడు. తన బాడీ లాంగ్వేజ్‌కి తగ్గట్గుగా పర్ఫెక్ట్ రోల్ చేశాడనేలా కుమ్మేశాడు. ప్రగ్యా జైస్వాల్ చాలా అందంగా కనిపించింది. విలన్ క్యారెక్టర్‌లో సంపత్ ఎప్పట్లాగే తన మంచి ప్రదర్శన కనబరిచాడు. కోట శ్రీనివాస్ రావ్ క్యారెక్టర్ ఈ మూవీకి స్పెషల్ అట్రాక్షన్ కానుందని చెప్పుకోవచ్చు. రావ్ రమేష్, రాజేంద్ర ప్రసాద్‌లు ఆకట్టుకున్నారు. టెక్నికల్ పరంగా చూస్తే.. డైరెక్టర్ సత్య మేకింగ్ చాలా బాగుంది. మాస్ సీన్లను ఎలివేట్ చేస్తూ హైలైట్‌గా తీశాడు. సినిమాటోగ్రఫీ అదిరింది. ఈ ట్రైలర్‌ని ఎడిట్ చేసిన వారికి మంచి మార్కులు వేయాల్సిందే. శ్రీ వసంత్ అందించిన బ్యాక్‌గ్రౌండ్ మ్యూజిక్ మైండ్‌బ్లోయింగ్. హాలీవుడ్ రేంజ్‌లో ఇరగదీసేశాడు. ఓవరాల్‌గా.. అన్నీ మాస్ మసాలా ఎలిమెంట్స్‌తో నిండిన ఈ ట్రైలర్ చాలా బాగుంది. సినిమాపై అంచనాల్ని పెంచేసింది.

More from my site

Share Your Thoughts

comments