మెగా ఈవెంట్ సాక్షిగా.. బాలయ్య మూవీకి శుభాకాంక్షలు తెలిపిన చిరంజీవి, అల్లుఅర్జున్‌లు

chiranjeevi wishes balayya gautamiputra satakarni movie in Khaidi No 150 pre release event

Chiranjeevi another time wishes to balayyas to hit his prestigeous film gautamiputra satakarni along with his Khaidi No 150. He also wish another movies which are releasing during Sankranti festival.

టాలీవుడ్‌లో హీరోల మధ్య వృత్తిపరంగా భారీ పోటీనే ఉంది. ఆ కారణంగానే.. ఎవ్వరూ ఇతర హీరోల సినిమాలపై కామెంట్స్ చేసుకోరు. ముఖ్యంగా.. తమ మూవీ ఈవెంట్లలో తోటి కథానాయకుల చిత్రాల ప్రస్తావన తీసుకురారు. అయితే.. ఈమధ్య ఈ ట్రెండ్ మారింది. ఒకరికొకరు సహకారం అందించుకోవడం ప్రారంభించారు. తమ చిత్రంతోపాటు ఇతర హీరోల మూవీలు కూడా హిట్ అవ్వాలని శుభాకాంక్షలు తెలుపుకుంటున్నారు. మెగాస్టార్ చిరంజీవి కూడా వారి సరసన చేరిపోయాడు.

తన మైల్‌స్టోన్ మూవీ ‘ఖైదీ నెంబర్ 150’కి పోటీగా బాలయ్య ప్రతిష్టాత్మక వందో చిత్రం ‘గౌతమీపుత్ర శాతకర్ణి’ రిలీజ్ అవుతున్న విషయం అందరికీ తెలుసు. చాలాకాలం తర్వాత ఇద్దరూ పోటీపడుతుండడం, పైగా వారి మూవీలు మైలురాయిల్లాంటి కావడంతో.. ఈ క్లాష్ మీద చాలా ఆసక్తి నెలకొంది. అభిమానులైతే సోషల్ మీడియాలో ఒకరిపై మరొకరు దండయాత్ర చేస్తున్నారు. కానీ.. బాలయ్య, చిరులు మాత్రం ఎలాంటి బేదాభిప్రాయాలు లేకుండా స్నేహభావంతో మెలుగుతున్నారు. తమతమ సినిమాలకు శుభాకాంక్షలు చెప్పుకుంటున్నారు. రీసెంట్‌గానే తన అనుచరులతో చిరు మూవీ గురించి బాలయ్య పాజిటివ్‌గా మాట్లాడితే.. చిరు ఓ పత్రికకి ఇచ్చిన ఇంటర్వ్యూలో ‘శాతకర్ణి’ మూవీ హిట్ అవ్వాలని కోరుకుంటున్నట్లు తెలిపారు. తాజాగా ప్రీ-రిలీజ్ ఈవెంట్‌లోనూ చిరు అదే అభిప్రాయాన్ని మరోసారి వెల్లడించారు.

తొలుత తన సినిమాకి సంబంధించిన విశేషాలు మాట్లాడిన ఆయన.. చివర్లో ప్రసంగం ముగించేముందు ‘నా సోదరుడు బాలయ్య వందో చిత్రం ‘గౌతమీపుత్ర శాతకర్ణి’ మంచి విజయం సాధించాలని హృదయపూర్వకంగా కోరుకుంటున్నాను’ అని చెప్పారు. అలాగే.. సంక్రాంతి కానుకగా విడుదల అవుతున్న ‘శతమానం భవతి’, ఆర్ నారాయణమూర్తి మూవీ ‘హెడ్ కానిస్టేబుల్’‌తోపాటు ఇతర మూవీలు కూడా హిట్ అవ్వాలని కోరుకుంటున్నానని తెలిపారు. చిరుతోపాటు అల్లుఅర్జున్ కూడా తన ప్రసంగంలో ఈ పండగకి విడుదలవుతున్న ఇతర సినిమాలు మంచి విజయం సాధించాలని సభాముఖంగా చెప్పాడు. ఇండస్ట్రీ ఎదగాలంటే.. ఒకరికొకరు ఈగోస్ లేకుండా ఇలాంటి వాతావరణం రావడం మంచిది.

More from my site

Share Your Thoughts

comments