ప్రస్తుతం ఉన్న పరిస్థితి లో యాభై రోజుల సినిమాలు ఎక్కడా కనపడ్డం లేదు .. ఎంతటి పెద్ద హీరో అయినా ఎంత తోపు సినిమా అయినా యభై రోజుల రన్ అంటే అసలు అది వేరే వ్యవహారం, ‘బాహుబలి-2’ ఈ విషయంలో కూడా సత్తా చాటింది.విడుదలైనప్పటి నుంచి కలెక్షన్ల సునామీతో నిరంతరం వార్తల్లో నిలిచిన ఈ చిత్రం… వేరే సినిమాలతో నాకు పోలికే లేదంటూ హాఫ్ సెంచరీ (50 రోజులు) కొట్టేసింది. అది కూడా మామూలుగా కాదు… దేశ వ్యాప్తంగా ఏకంగా 1050 సెంటర్లలో 50 రోజులు పూర్తి చేసుకుంది.
ఈ సందర్భంగా చిత్ర యూనిట్ సినీ అభిమానులకు కృతజ్ఞతలు తెలియజేసింది.మరోవైపు 50 రోజులు గడిచిపోయినా, ఈ సినిమాకు ఇంకా ఆదరణ తగ్గలేదు. ఇప్పటి వరకు ఈ సినిమా రూ. 1650 కోట్లకు పైగా వసూళ్లను సాధించింది. త్వరలోనే ఈ సినిమాను చైనాలో విడుదల చేయనున్నారు.
